ଭାରତୀୟ କ୍ରିକେଟ୍ ଦଳର ସୁବର୍ଣ୍ଣ ଯୁଗ ! ୨୦୨୪ ଟି–୨୦ ୱାର୍ଲ୍ଡ କପର ଐତିହାସିକ ସଫଳତା ପରେ ଏବେ ଟିମ୍ ସିଧାସଳଖ ୨୦୨୬ ୱାର୍ଲ୍ଡ କପ୍ ମିଶନ୍ ଉପରେ କାମ କରୁଛି। ଅଧିନାୟକ ସୁର୍ଯ୍ୟକୁମାର ଯାଦବ କହିଛନ୍ତି ଯେ ବିଶ୍ୱକପ୍ ବିଜୟ ପରେ, ଦଳ ୨୦୨୬ ପାଇଁ ପ୍ଲାନ୍ ଆରମ୍ଭ କରିଦେଇଥିଲା।
ଆଜି (ମଙ୍ଗଳବାର) କଟକରେ ଆରମ୍ଭ ହେବାକୁ ଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ସୂର୍ଯ୍ୟ ଦକ୍ଷିଣ ଆଫ୍ରିକା ବିପକ୍ଷରେ ଦଳର ନେତୃତ୍ୱ ନେବେ। ଉଲ୍ଲେଖଯୋଗ୍ୟ, ଏହା ସେହି ଦକ୍ଷିଣ ଆଫ୍ରିକା ଦଳ ଯାହାକୁ ଭାରତ ୨୦୨୪ ବିଶ୍ୱକପ୍ ଫାଇନାଲରେ ପରାସ୍ତ କରି ୧୧ ବର୍ଷର ଆଇସିସି ଟି – ୨୦ ଟ୍ରଫି ଅପେକ୍ଷା ର ଅନ୍ତ ଘଟାଇଥିଲା।
ସୂର୍ଯ୍ୟକୁମାର ସୋମବାର କହିଛନ୍ତି, “୨୦୨୪ ବିଶ୍ୱକପ୍ ଶେଷ ହେବା ମାତ୍ରେ ୨୦୨୬ ଟି-୨୦ ବିଶ୍ୱକପ୍ ପାଇଁ ଆମର ପ୍ରସ୍ତୁତି ଆରମ୍ଭ ହୋଇଯାଇଥିଲା। ଆମେ ନୂତନ ଚିନ୍ତା, ନୂଆ ପଦକ୍ଷେପ ଚେଷ୍ଟା କରୁଛୁ ଏବଂ ସବୁକିଛି ଭଲ ଫଳାଫଳ ଦେଉଛି।
ଭାରତ ଏହି ସିରିଜକୁ କେବଳ ଏକ ଦ୍ୱିପାକ୍ଷିକ ପ୍ରତିଯୋଗିତା ଭାବରେ ନୁହେଁ, ବରଂ ୨୦୨୬ ବିଶ୍ୱକପ୍ ଆଡ଼କୁ ପ୍ରଥମ ପଦକ୍ଷେପ ଭାବରେ ଦେଖୁଛି। ଦଳ ପରିଚାଳନା ଯୁବ ଖେଳାଳିମାନଙ୍କୁ ସୁଯୋଗ ଦେବା, ନୂତନ ରଣନୀତି ପରୀକ୍ଷା କରିବା ଏବଂ ମୂଳ ମିଶ୍ରଣକୁ ମଜବୁତ କରିବା ଉପରେ ଧ୍ୟାନ ଦେଉଛି।
କଟକରେ ଆଜି ଆରମ୍ଭ ହେଉଥିବା ଏହି ସିରିଜକୁ ନେଇ କ୍ରିକେଟ ପ୍ରଶଂସକମାନେ ଉତ୍ସାହିତ, କାରଣ ଭାରତ ଏହାର ବିଶ୍ୱ ଚାମ୍ପିଅନ ଧାରା ଜାରି ରଖିବାକୁ ଲକ୍ଷ୍ୟ ରଖିଛି।
