ଜାଫର ଏକ୍ସପ୍ରେସରେ ପୁଣି ଆକ୍ରମଣ, ବୋମା ବିସ୍ଫୋରଣରେ ଥରିଲା ପାକିସ୍ତାନ

ପାକିସ୍ତାନର ସିନ୍ଧ ପ୍ରଦେଶର ଶିକାରପୁର ଜିଲ୍ଲାର ସୁଲତାନ କୋଟ ଅଞ୍ଚଳରେ ଜାଫର ଏକ୍ସପ୍ରେସ ଟ୍ରେନ ଉପରେ ପୁଣି ଏକ ଆକ୍ରମଣ ହୋଇଛି । ପାକିସ୍ତାନର ଜାଫର ଏକ୍ସପ୍ରେସ ଟ୍ରେନ ଉପରେ ପୁଣି ଥରେ ଆକ୍ରମଣ ହୋଇଛି। ବୋମା ବିସ୍ଫୋରଣରେ ଅନେକ ଯାତ୍ରୀ ଗୁରୁତର ଆହତ ହୋଇଛନ୍ତି। ଅନେକ କୋଚ୍ ମଧ୍ୟ ଲାଇନଚ୍ୟୁତ ହୋଇଛି। ବାଲୁଚ୍ ଲିବରେସନ୍ ଗାର୍ଡସ୍ ଏହି ଆକ୍ରମଣ ପାଇଁ ଦାୟୀ ବୋଲି ଦାବି କରିଛି। ବାଲୁଚ୍ ସେନା ଟ୍ରାକରେ ଏକ ରିମୋଟ୍-କଣ୍ଟ୍ରୋଲ୍ ଆଇଇଡି ବୋମା ଖଞ୍ଜିଥିଲା। ଚଳିତ ବର୍ଷ ଜାଫର ଏକ୍ସପ୍ରେସ୍ ଉପରେ ଏହା ତୃତୀୟ ବଡ଼ ଆକ୍ରମଣ । ଟ୍ରେନଟି ରାୱଲପିଣ୍ଡିରୁ କ୍ୱେଟା ଅଭିମୁଖେ ଯାତ୍ରା କରୁଥିଲା। ପିଟିଆଇ ରିପୋର୍ଟ ଅନୁଯାୟୀ, ରାୱଲପିଣ୍ଡିରୁ କ୍ୱେଟା ଯାଉଥିବା ଜାଫର ଏକ୍ସପ୍ରେସ ଆଇଇଡି ବିସ୍ଫୋରଣ ଯୋଗୁଁ ଲାଇନଚ୍ୟୁତ ହୋଇଥିଲା। ଏହି ଘଟଣା ସମୟରେ ଅନେକ ଯାତ୍ରୀ ଗୁରୁତର ଆହତ ହୋଇଥିଲେ। ସୁରକ୍ଷାକର୍ମୀ ତୁରନ୍ତ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ନିକଟସ୍ଥ ହସ୍ପିଟାଲକୁ ନେଇଥିଲେ।
ଚଳିତ ବର୍ଷ ଜାଫର ଏକ୍ସପ୍ରେସ ଉପରେ ତୃତୀୟ ବଡ଼ ଆକ୍ରମଣ;
ଚଳିତ ବର୍ଷ ଜାଫର ଏକ୍ସପ୍ରେସ୍ ଉପରେ ତିନିଥର ଆକ୍ରମଣ ହୋଇଛି, ସବୁଠାରୁ ଗୁରୁତର ଘଟଣା ହେଉଛି ମାର୍ଚ୍ଚ ୧୧ ତାରିଖରେ, ଯେତେବେଳେ ଟ୍ରେନ୍ ଅପହରଣ କରାଯାଇଥିଲା । ଏହି ଆକ୍ରମଣରେ ସୁରକ୍ଷା କର୍ମୀଙ୍କ ସମେତ ୨୬ ଜଣଙ୍କର ମୃତ୍ୟୁ ହୋଇଥିଲା। ତଥାପି, ସୁରକ୍ଷା ବାହିନୀ ପରେ ପ୍ରତିଶୋଧ ନେଇ ୩୩ ଜଣ ଆତଙ୍କବାଦୀଙ୍କୁ ହତ୍ୟା କରିଥିଲେ ଏବଂ ୩୫୪ ଜଣ ବନ୍ଧକଙ୍କୁ ଉଦ୍ଧାର କରିଥିଲେ। ଅଗଷ୍ଟ ୧୦ ତାରିଖରେ ମାସ୍ତୁଙ୍ଗରେ ଏକ ଆଇଇଡି ବୋମା ୬ଟି କୋଚ୍ ଲାଇନଚ୍ୟୁତ କରିଥିଲା, ଯେଉଁଥିରେ ଚାରି ଜଣ ଆହତ ହୋଇଥିଲେ। ଜୁନ୍ ୨୦୨୫ରେ, ସିନ୍ଧର ଜାକୋବାବାଦ ଜିଲ୍ଲାରେ ଆଉ ଏକ ବିସ୍ଫୋରଣରେ ଜାଫର ଏକ୍ସପ୍ରେସର ଚାରୋଟି ବଗି ଲାଇନଚ୍ୟୁତ ହୋଇଥିଲା, ଯଦିଓ କେହି ଗୁରୁତର ଆହତ ହୋଇ ନଥିଲେ।