ହଟାତ ବଢିଲା ୫୦୦ ଟଙ୍କା , ଲକ୍ଷେ ଛୁଇଁବ କି ସୁନା ଦର !

ନୂଆଦିଲ୍ଲୀ: ସୁନା ମୂଲ୍ୟ ବୃଦ୍ଧିରେ ଲାଗୁନି ବ୍ରେକ୍ । ସପ୍ତାହର ଦ୍ୱିତୀୟ ଦିନରେ ଅର୍ଥାତ୍ ମଙ୍ଗଳବାର ଦେଶର ରାଜଧାନୀ ଦିଲ୍ଲୀରେ ସର୍ରଫା ବଜାରରେ ସୁନା ମୂଲ୍ୟ ୫୦୦ ଟଙ୍କା ବଢି ପ୍ରତି ୧୦ ଗ୍ରାମ ୯୧,୨୫୦ ଟଙ୍କାର ରେକର୍ଡ ସ୍ତରରେ ପହଞ୍ଚିଛି । ଅଖିଳ ଭାରତୀୟ ସର୍ରଫା ସଂଘ ଏହି ସୂଚନା ଦେଇଛି । ଏହା ପୂର୍ବରୁ ସୋମବାର ୯୯.୯ ପ୍ରତିଶତ ଶୁଦ୍ଧତା ଥିବା ଏହି ସୁନାର ମୂଲ୍ୟ ୧୩୦୦ ଟଙ୍କା ବଢି ୧୦ ପିଛା ୯୦,୭୫୦ ଟଙ୍କାର ନୂଆ ଶିଖର ଛୁଇଁଥିଲା । ୯୯.୫ ପ୍ରତିଶତ ଶଦ୍ଧତା ଥିବା ସୁନା ୪୫୦ ଟଙ୍କା ବଢି ପ୍ରତି ୧୦ ଗ୍ରାମ ୯୦,୮୦୦ ଟଙ୍କାର ସର୍ବକାଳୀନ ଉଚ୍ଚ ସ୍ତରରେ ପହଞ୍ଚିଛି । ତେବେ ରୁପା ମୂଲ୍ୟ କିଲୋ ପିଛା ୧,୦୨,୫୦୦ ଟଙ୍କାର ଐତିହାସିକ ସ୍ତରରେ ସ୍ଥିର ରହିଛି ।