ଛେଣ୍ଡିପଦା: ଅନୁଗୁଳ,ଛେଣ୍ତିପଦା ଥାନା ବରପଦା ଗାଁ ହଜାରୀବନ୍ଧରେ ଗାଧୋଇବା ବେଳେ ଅଘଟଣ ଘଟିଛି। ପୁଅ ଆଗରେ ପାଣିରେ ବୁଡ଼ି ବାପାଙ୍କ ମୃତ୍ୟୁ ହୋଇଛି। ମୃତ ବ୍ୟକ୍ତି ହେଲେ ପଞ୍ଚୁ ବେହେରା (୫୬)।
ସୂଚନା ଅନୁସାରେ ଆଜି ଅପରାହ୍ଣ ଗୋଟାଏ ସମୟରେ ପଞ୍ଚୁ ବେହେରା ଓ ତାଙ୍କ ପୁଅ ଟିକନ ବେହେରା(୨୮) ବିଲରୁ ଚାଷକାମ ସାରି ଗାଁ ହଜାରି ବନ୍ଧକୁ ଗାଧୋଇବାକୁ ଯାଇଥିଲେ। ଦୁହେଁ ଗାଧୋଇବା ବେଳେ ପଞ୍ଚୁ ପାଣିରେ ବୁଡ଼ି ଯାଇଥିଲେ। ଟିକନ ବହୁ ଚେଷ୍ଟା କରି ବାପା ପଞ୍ଚୁଙ୍କୁ ଉଦ୍ଧାର କରିପାରି ନଥିଲେ।
