ଆଜିଠାରୁ ବର୍ଷା ପ୍ରଭାବ କମିବ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି।

 ଗାଙ୍ଗେୟ ପଶ୍ଚିମବଙ୍ଗ ଉପରେ ସୃଷ୍ଟି ହୋଇ ଝାଡ଼ଖଣ୍ଡ ମୁହାଁ ହୋଇଥିବା ଗଭୀର ଅବପାତ ପ୍ରଭାବରେ ଉତ୍ତର ଓଡ଼ିଶାର ଜିଲ୍ଲାଗୁଡ଼ିକରେ ପ୍ରବଳରୁ ଅତିପ୍ରବଳ ବର୍ଷା ହୋଇଛି। ଗତକାଲି ସକାଳ ସାଢ଼େ ୮ଟାରୁ ଆଜି ସକାଳ ମଧ୍ୟରେ ମୟୂରଭଞ୍ଜ ଜିଲ୍ଲାର ଉଦଳାରେ ସର୍ବାଧିକ ୧୪୧.୭ ମିମି ବର୍ଷା ରେକର୍ଡ କରାଯାଇଥିଲା। ଏହାବ୍ୟତୀତ ଜିବି ନଗରରେ ୧୨୨, ନୁୱାନାରେ ୧୨୦.୪, ବାଲିମୁଣ୍ଡଳିରେ ୧୧୬.୨, ରାରୁଆନାରେ ୧୧୪, ବେତନଟିରେ ୧୧୩, କରଞ୍ଜିଆରେ ୧୦୫.୨, ବାହଲଦାରେ ୧୦୫, କପ୍ତିପଦାରେ ୧୦୪, ବାଲେଶ୍ବରରେ ୧୦୩, ଯଶିପୁରରେ ୧୦୦ ମିମି ବର୍ଷା ହୋଇଛି।