ଫୋକସ ପ୍ଲସ 19/5/22 :ଆଇପିଏଲ ଇତିହାସରେ ରେକର୍ଡ କଲା ଲକ୍ଷ୍ନୌ ସୁପର ଜେଣ୍ଟସ୍ । କୋଲକତା ନାଇଟ୍ ରାଇଡ଼ରର୍ସ ବିପକ୍ଷରେ ଲକ୍ଷ୍ନୌ ପ୍ରଥମେ ବ୍ୟାଟିଂ କରି ବିନା ୱିକେଟରେ ୨୧୦ ରନ ସଂଗ୍ରହ କରିଥିଲା । ଯାହାକି ଆଇପିଏଲ ଇତିହାସରେ ପ୍ରଥମ । ପୁର୍ବରୁ କୌଣସି ଦଳ ବିନା ୱିକେଟ୍ ଏତେ ରନ ସଂଗ୍ରହ କରି ନାହାନ୍ତି I
ଦଳର ଓପନିଂ ବ୍ୟାଟସମ୍ୟାନ କୁଇଂଟନ ଡିକକ୍ ଏବଂ ଲୋକେଶ ରାହୁଲ ଏହି ରେକର୍ଡ କରିଛନ୍ତି । ଡିକକ୍ ବିସ୍ପୋରକ ବ୍ୟାଟିଂ କରି ୭୦ଟି ବଲରୁ ୧୦ ଚଉକା ଏବଂ ୧୦ ଛକା ବଳରେ ୧୪୦ କରିଥିବା ବେଳେ ରାହୁଲ ୫୧ଟି ବଲ ଖେଳି ୬୮ ରନ କରିଥିଲେ । ରୋମାଚଂକର ଏହି ମ୍ୟାଚରେ ମାତ୍ର ଦୁଇ ରନରେ ହାରିଯାଇଛି କୋଲକତା ନାଇଟ୍ ରାଇଡରସ । ଏଥିସହ ଦଳ ପ୍ଲେ-ଅଫ୍ ଦୌଡରୁ ମଧ୍ୟ ବାଦ ପଡିଛି । କୋଲକତା ନାଇଟ୍ ରାଇଡ଼ରର୍ସ ପ୍ରଥମରୁ ଭଲ ବ୍ୟାଟିଂ କରିଥିଲେ ମଧ୍ୟ ପରେ ୱିକେଟ୍ ପତନ ଯୋଗୁ ଦଳ ହାରିଯାଇଥିଲା । ଦଳ ୮ ୱିକେଟ୍ ହରାଇ ନିର୍ଦ୍ଧାରିତ ୨୦ ଓଭରରେ ୨୦୮ କରିବାରେ ସକ୍ଷମ ହୋଇଥିଲା ।
ତେବେ କୋଲକତା ନାଇଟ୍ ରାଇଡ଼ରର୍ସ ଦଳ ପକ୍ଷରୁ କ୍ୟାପେଟନ୍ ଶେୟସ ଆୟର ଅର୍ଦ୍ଧଶତକ ମାରିଥିବା ବେଳେ ଶେଷ ଆଡକୁ ରିଙ୍କୁ ଶର୍ମା ଏବଂ ସୁନିଲ ନାରିଲ ଭଲ ବ୍ୟାଟିଂ କରିଥିଲେ ମଧ୍ୟ ଦଳକୁ ପରାଜୟରୁ ରକ୍ଷା କରିପାରିନଥିଲେ । ଆଜି ଗୁଜୁରାଟ ଟାଇଟନ୍ସ ସହ ରୟାଲ ଚ୍ୟାଲେଞ୍ଜର ବାଙ୍ଗାଲୋରର ମୁକାବିଲା ଅଛି । ଆଜି ବାଙ୍ଗାଲୋର ମ୍ୟାଚ ହାରିଲେ ପ୍ଲେ ଅଫରୁ ବାଦ୍ ପଡିବା ଏକ ପ୍ରକାର ନିଶ୍ଚିନ୍ତ ହୋଇଛି ।
